متومة البندورة
تعتبر متومة البندورة من المقبلات أو من الأطباق الجانبية المشهورة في مدينة الخليل.
متومة البندورة هي أكلة سهلة ومشهورة بمدينة الخليل، كانوا يعملوها من زمان أوقات وجودهم بالصيفيه بالكروم ومواسم البندورة البلدية، كانوا يشووا البندورة على الحطب.
هذا الطبق كانت أمي (رحمها الله) دايماً تعمله والكل بيحبه.
مكونات متومة البندورة
عدة حبات من البندورة
لبن جميد ممعوك جامد.
كمية قليلة من اللبن الرايب (اختياري).
سن ثوم.
ثوم وسمنة على الوجه.
طريقة تحضير متومة البندورة
تشوى البندورة بالفرن حتى تنضج، وتقشر البندورة، وتمعك جيداً باليد أو تقطع بالسكين، ولا تعمل بالخلاط لأننا لا نريدها مهروسة.
بعد ذلك نضيف اللبن الجميد الممعوك أو المعمول بالخلاط ويكون ناعم وجامد.
يضاف اللبن الجميد بعد ذلك إلى البندورة، وإذا رغبت بتخفيف طعم الجميد قليلاً، أضيفي القليل من اللبن الرايب وأضيفي سن ثوم مدقوق (حسب الرغبة).
توضع البندورة والجميد والثوم في صحن، ويقدح فوق المزيج ثوم مفروم ناعم مع السمنة البلدية أو زيت الزيتون.
تؤكل متومة البندورة غماس بالخبز.
صحتين وعافية
